Sulmet me dronë shkaktojnë kaos në furnizimin me energji elektrike në qytetet ruse

Ukraina i është kundërpërgjigjur përpjekjeve të Rusisë për të sulmuar infrastrukturën e saj energjetike me sulmet ajrore që arritën të ndërpresin furnizimin me energji elektrike dhe ngrohje në dy qytete në Rusi.

Sipas raportimeve, sulmet me dronë dhe raketa të Kievit ndërprenë energjinë elektrike dhe ngrohjen të dielën në qytetet ruse të Belgorodit pranë kufirit dhe Voronezhit.

Në Belgorod, guvernatori lokal Vyacheslav Gladkov tha se sulmet me raketa shkaktuan “dëme serioze” në sistemet e energjisë dhe ngrohjes që furnizojnë qytetin, duke prekur rreth 20,000 familje.

Autoritetet lokale në rajonin e Rostovit raportuan gjithashtu një ndërprerje të energjisë elektrike për disa orë në qytetin e Taganrogut, ku jetojnë rreth 240,000 banorë.

Ndërkohë, Rusia nisi një breshëri dronësh dhe raketash në sulmet e natës ndaj Ukrainës, duke synuar nënstacionet që furnizojnë dy centrale bërthamore dhe duke vrarë shtatë persona, thanë zyrtarët ukrainas.

• LEXONI GITHASHTU:
  Ukraina publikon shifrat e afrikanëve të rekrutuar nga Rusia, si joshen me premtime
• Sulm ajror në Ukrainë, Rusia dëmton infrastrukturën energjetike në rajonin e Odesës