Sulm ajror në Ukrainë, Rusia dëmton infrastrukturën energjetike në rajonin e Odesës

Një sulm ajror rus ndaj infrastrukturës energjetike të Ukrainës çoi në ndërprerje të energjisë elektrike në rajonin e Odesës dhe në disa rajone të tjera, tha Ministria e Energjisë në Ukrainë, Svitlana Grynchuk, të shtunën në mëngjes.

Gjithashtu, guvernatori rajonal, Oleg Kiper, njoftoi se dronët goditën infrastrukturën energjetike në rajonin e Odesës në jug të Ukrainës të premten në mbrëmje.

“Pati dëme në një strukturë të infrastrukturës energjetike”, tha ai, duke raportuar se nuk ka të vdekur apo të plagosur.

“Armiku po sulmon masivisht infrastrukturën energjetike të Ukrainës. Për shkak të kësaj, energjia elektrike mungonë në shumë rajone të Ukrainës. Ndërprerjet e energjisë do të rregullohet, pasi situata e sulmeve në vend të stabilizohet”, shkroi në X, Grynchuk.

Ndërkohë, Presidenti Ukrainas, Volodymyr Zelensky, tha të premten se Rusia po grumbullonte trupa pranë qytetit Vovchansk në rajonin verilindor të Kharkiv të Ukrainës.

Duke folur para gazetarëve në Kiev, presidenti i Ukrainës tha se sulmi i Moskës në qytetin lindor të Pokrovsk kishte për qëllim t’i tregonte suksesin në fushëbetejë Donald Trump, presidentit të SHBA-së.

LEXONI GJIITHASHTU:

• Ukraina: Mbi 1.400 afrikanë nga dhjetëra vende po luftojnë për Rusinë
• Orban në Uashington për të ndërmjetësuar samitin Trump-Putin për paqen në Ukrainë