Ushtria izraelite ka thënë më 10 tetor se ka eliminuar një tjetër anëtar të rëndësishëm të Hezbollahut, teksa vazhdon të sulmojë këtë grup të mbështetur nga Irani.

Adham Jahout, anëtar i “Rrjetit Terrorist të Golanit” pjesë e Hezbollah, është vrarë nga një sulm ajror në zonën e Kuneitras në Siri, ka thënë ushtria izraelite.

Izraeli i ka aneksuar Rrafshnaltën e Golanit pasi ka luftuar kundër Sirisë në luftën e vitit 1967.

Ky aneksim nuk është njohur nga shumica e shteteve.

Ushtria izraelite ka thënë më 10 tetor se i ka eliminuar edhe dy komandantë të Hezbollahut në jug të Libanit, dhe që aeroplanët e tij kanë sulmuar depo të municionit në zonën e Bejrutit dhe në jug të Libanit.

Identitetet e dy komandantëve nuk janë bërë të ditura.

LEXONI GJITHASHTU:

• Hezbollah, më i dobët se kurrë, Netanyahu paralajmëron Libanin për shkatërrim
• Afron hakmarrja izraelite, mediat: Do godasë strukturat ushtarake të Iranit