Sulmet ruse, 6 milionë njerëz në Ukrainë pa energji elektrike

Presidenti i Ukrainës thotë se gjashtë milionë familje ukrainase janë ende pa energji elektrike, pas sulmeve masive me raketa që goditën vendin këtë javë.

“Që nga kjo mbrëmje, ndërprerjet e energjisë vazhdojnë në shumicën e rajoneve dhe në Kiev”, tha Volodymyr Zelensky në fjalimin e tij të natës.

Ai shtoi se miliona njerëz kanë mbetur pa dritë, ujë apo nxehtësi me fillimin e dimrit.

Duke folur në një fjalim video, Presidenti Zelensky tha se kryeqyteti dhe rajoni përreth tij janë ndër më të prekurit nga sulmet.

Sipas mediave të huaja më të prekurat janë rajonet e Odesës, në jug, Lviv në perëndim, si dhe Vinnytsia dhe Dnipropetrovsk që janë më qendrore.

Presidenti Zelensky u bëri thirrje të gjithëve që të kursejnë energjinë.

LEXONI GJITHASHTU: 

• Kur do të arrihet marrëveshja finale me Serbinë? Përgjigjen ekspertët
• Dalipi: S’je në këshill, Topollaj: Aty s’më lënë të flas, shyqyr që jam në TV