Kur do të arrihet marrëveshja finale me Serbinë? Përgjigjen ekspertët

Nëse ka vullnet për arritje të marrëveshjes mes Kosovës dhe Serbisë, kjo mund të ndodhë brenda një kohe të shkurtër. Ishte kjo deklarata e ambasadorit Lulzim Beci në “Balkan Talks”.

“Unë si më optimale e shoh diku deri në qershor të vitit të ardhshëm, që të bëhet përmbyllja e kësaj çështje sepse ka mjaft detaje që duhet të diskutohen,” – u shpreh ai.

Sipas Becit qershori do të jetë limiti nëse do të ketë vështirësi gjatë dialogut.

Ndërkohë për profesorin Valon Murtezaj elementi i njohjes në marrëveshje është pjesa më e vështirë që pret të marrë zgjidhje mes Kosovës dhe Serbisë.

“Nëse flasim për elementin e njohjes në marrëveshje, atëherë unë nuk pres që kjo gjë mund të bëhet as me 3 muaj, as me 6 muaj,” – u shpreh Murtezaj.

Sipas tij nëse i referohemi marrëveshjes së propozuar nga plani franko-gjerman mund të konsiderohet një kohë më e shkurtër, por në 3 muaj sidoqoftë është e pamundur.

Murtezaj deklaroi se i gjithë qëllimi duhet të jetë për të parë se për cilën marrëveshje bëhet fjalë.

LEXONI GJITHASHTU:

• Harta e Kosovës me ngjyrat e flamurit serb, Federata ankesë FIFA-s
• Varhelyi do të vizitojë Serbinë të martën dhe të mërkurën