“Sulmet ruse zgjatën 12 orë”, reagon Zelensky: Ukraina do të hakmerret!

29 Shtator 2025 | 12:08

Një bombardim ajror rus që zgjati më shumë se 12 orë ka vrarë të paktën katër persona dhe ka plagosur të paktën 70 të tjerë në Ukrainë.

Breshëria, që përfshiu gati 600 dronë dhe disa dhjetëra raketa të drejtuara në shtatë rajone të Ukrainës, është një nga më të rëndët në muajt e fundit, deklari presidenti ukrainas  Volodymyr Zelensky.

Zelensky paralajmëroi se Ukraina do të hakmerrej dhe tha se sulmi “i shëmtuar” tregoi se Moska “dëshiron të vazhdojë të luftojë dhe të vrasë”.

Ndërkohë, Rusia tha se goditi objekte ushtarake dhe ndërmarrjet industriale që mbështesin forcat e armatosura të Ukrainës. Për ukrainasit, bombardimet ajrore mund të jenë si të rastësishme, ashtu edhe të zakonshme.

Zelensky u zotua se Ukraina “do të kundërpërgjigjet” në një përpjekje për të “detyruar diplomacinë” nga Rusia dhe tha se po mbështetej në një “reagim të fortë” nga Evropa dhe SHBA-ja.

“Ky sulm i poshtër ndodhi në fakt në fund të javës së Asamblesë së Përgjithshme të OKB-së, dhe kjo është mënyra se si Rusia deklaron qëndrimin e saj të vërtetë”, tha ai.

Zelensky përsëriti mbështetjen e tij për kërcënimin e Presidentit të SHBA-së Donald Trump për sanksione më të ashpra ndaj Rusisë, si dhe thirrjen e tij drejtuar aleatëve evropianë për të frenuar importet e tyre të naftës dhe gazit rus.

Presidenti amerikan deri më tani është përmbajtur nga vendosja e sanksioneve të mëtejshme ndaj Rusisë, por është dukur gjithnjë e më i tërhequr për të filluar bisedimet e paqes me Kremlini, shkruan BBC.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026