Ukraina po përforcon pozicionet e saj rreth Bakhmutit në rajonin lindor të Donbasit. Vendimi vjen teksa qyteti ndodhet prej disa ditësh nën një vale të pamëshirshme sulmi nga forcat ruse, të kryesura nga grupi mercenar i Wagner.
Bakhmut dhe qyteti fqinj Soledar kanë qenë në qendër të përpjekjeve intensive të Moskës për të bërë përparim në këtë rajon.
Ditët e fundit, sulmet ruse janë fokusuar kryesisht në Soledar në një përpjekje të dukshme për të shkëputur qytetin.
“Armiku përsëri bëri një përpjekje të dëshpëruar për të sulmuar qytetin Soledar nga drejtime të ndryshme dhe hodhi në betejë njësitë më profesionale të Wagneri”, njoftoi ushtria e Ukrainës të hënën, duke i bërë jehonë komenteve të bëra nga presidenti i Ukrainës, Volodymyr Zelenskiy, të dielën.