Sulmi kibernetik, Korreshi: Miliona euro për ruajtjen e sistemeve, tendera abuzivë

Deputeti i Partisë Demokratike, Saimir Korreshi thotë se sulmet kibernetike treguan se miliona euro që qeveria shpenzoi për ruajtjen e sistemeve dhe të dhënave, rezultuan tendera abuzivë.

Në një intervistë për “Euronews Albania”, Korreshi u shpreh se siguria kombëtare nuk ekziston.

“Siguria kombëtare nuk ekziston më, realisht shteti ka rënë me çfarë ka ndodhur. Është cënim i sigurisë kombëtare dhe i të dhënave personale. Kjo është gjëja më e rëndë që i ka ndodhur shtetit shqiptar.

Ato miliona euro që janë hedhur për ruajtjen e sistemeve kompjuterike dhe kibernetike, për ruajtjen e të dhënave, kanë rezultuar tendera abuzivë, vjedhur nga shteti. Nuk ka mundësi që një shtet i tërë të cënohet kaq shpejtë dhe gjithëpëfshirës nga hakerat”, theksoi ai.

LEXONI GJITHASHTU

• Sulmi kibernetik akti pastër terrorist, thotë ish-drejtuesi i policisë
• Sulmet kibernetike, Kim: Disa keqdashës u përpoqën të minojnë demokracinë
• Sa e rrezikuar është Shqipëria nga sulmet terroriste? Hakerat publikojnë dokumentin