Sulmi në bazën ajrore në Ankara, ministri turk: 2 terroristët u neutralizuan

Ministri i Brendshëm i Turqisë Ali Yerlikaya tha se në një sulm në ambientet e kompanisë turke të hapësirës ajrore dhe mbrojtjes tre persona kanë humbur jetën dhe 14 janë të plagosur.

“Dy terroristë u neutralizuan në sulmin terrorist kundër objekteve të TAI Kahramankazan. Fatkeqësisht, në sulm kemi tre dëshmorë dhe 14 të plagosur”, shkroi ai në postimin e tij të fundit në X.

Ai nuk dha detaje të tjera rreth sulmit në periferi të kryeqytetit Ankara.

Nuk ishte menjëherë e qartë se kush mund të qëndronte pas sulmit. PKK, ISIL dhe ekstremistët e majtë kanë kryer sulme në vend në të kaluarën.

Pamjet nga kamerat e sigurisë gjatë sulmit, të transmetuara në televizion, shfaqën një burrë në rroba civile duke e mbajtur një pushkë në dorë dhe një çantë shpine.

Më herët, mediat raportuan se një shpërthim dhe të shtëna me armë u dëgjuan në ndërtesën e kompanisë dhe se punonjësit u dërguan në një vend të sigurt.

TUSAS prodhon avionë dhe helikopterë ushtarakë dhe civilë, si dhe sisteme dronësh për Forcat e Armatosura të Turqisë dhe për vende të tjera të botës.

LEXONI GJITHASHTU:

• Turqia nuk ka marrë akoma asnjë vendim për masakrën e ISIS në Ankara
• Turqi| Shpërthim në Qendrën e Hapësirës Ajrore, dyshohet për sulm terrorist