Sulmi në bazën iraniane në Irak, çfarë përfaqëson Njësia e Mobilizimit Popullor

Të paktën 1 person ka vdekur dhe 8 janë plagosur pasi 5 shpërthime të njëpasnjëshme tronditën një bazë ushtarake të përdorur nga milici pro-iraniane në Irak.

Sipas autoriteteve irakene, shpërthimi ndodhi në një zonë që i përkiste Njësisë së Mobilizimit Popullor.

Autoritetet izraelite dhe ato amerikane deklaruan se asnjë prej tyre nuk ishte përfshirë në shpërthimet, që erdhën pas një sulmi ushtarak ndaj Iranit, që iu atribuua shtetit hebre.

Organizata Njësia e Mobilizimit Popullor është një forcë paraushtarake shiite e mbështetur nga Republika Islamike. Ndryshe nga grupet e tjera pro-iraniane në rajon, ajo është e lidhur me qeverinë lokale dhe blloqet shiite që dominojnë politikën irakene prej vitesh.

Sipas saj, shpërthimet ndodhën në bazën ushtarake Kalsu dhe shkaktuan edhe dëme të konsiderueshme materiale.

Shpërthimet vijnë në një kohë tensionesh të larta në Lindjen e Mesme, me Izraelin që po godet Hamasin dhe lëvizje të tjera palestineze të mbështetura nga Irani, që pas sulmit të 7 tetorit.

Sulmet hakmarrëse këtë muaj kanë nxjerrë në dritë armiqësinë prej disa dekadash mes shtetit hebre dhe Republikës Islamike, që deri më sot kishte qëndruar në hije.