Sulmi në stacionin e Hamburgut me 18 të lënduar, arrestohet një grua

Të paktën 18 persona mbetën të plagosur të premten në një sulm me thikë në stacionin kryesor hekurudhor të qytetit të Hamburgut, në Gjermani.

Policia lokale deklaroi të shtunën se 4 nga të lënduarit, që kishin marrë plagë të rënda, janë në gjendje të qëndrueshme. Agjentët arrestuan një grua 39-vjeçare gjermane në vendin e ngjarjes, që u verifikua rreth orës 18:00, me orën lokale.

Autoritetet thanë se ekzistojnë prova konkrete për gjendjen e rëndë mendore të të dyshuarës dhe se nuk ka të dhëna për një sulm të motivuar politikisht. Gruaja e arrestuar ndodhet në gjendje arresti.

Sulmi ndodhi mes platformave 13 dhe 14 të stacionit hekurudhor, që janë të aksesueshme përmes një aksi rrugor, në momentin kur treni kishte ndaluar.

E dyshuara nisi të sulmonte me thikë pasagjerët që po prisnin, por u ndalua nga ndërhyrja e menjëhershme e dy personave civilë dhe më pas nga shërbimet e emergjencës. Të lënduarit janë të moshave nga 19 në 85 vjeç. 7 prej tyre morën plagë të lehta, 7 të tjerë të rënda dhe 4 të tjerët kritike.

Zyrtarët policorë deklaruan të shtunën se, pavarësisht se nuk ka tregues se sulmi ishte i motivuar politikisht, hetimet do të vazhdojnë.

LEXONI GJITHASHTU:

• “S’kemi rrugë për të hyrë në shtëpi”/ Banorët protestë në Kaninë, shkak i punimeve
• Raporti i OBSH, ekspertët: Teknologjia po dëmton fëmijët, merrni masa urgjente