Sulmi terrorist në Turqi, ja kush e mori përgjegjësinë

Partia e Punëtorëve të Kurdistanit (PKK) ka pranuar se ka kryer sulmin terrorist të ndodhur mëngjesin e kësaj të diele në Ankara të Turqisë.

Kjo parti konsiderohet grup terrorist në Turqi, Bashkimin Europian, Britaninë e Madhe dhe Shtetet e Bashkuara të Amerikës.

Shpërthimi ndodhi jashtë Ministrisë së Brendshme turke. Autorët ishin 2 persona, të cilët mbërritën me makinë rreth orës 09:30 me orën lokale dhe ndërmorën sulmin duke plagosur dy oficerë policie.

Një prej autorëve u hodh vetë në erë përballë ndërtesës së Ministrisë, ndërsa tjetri u neutralizua nga policia. Shpërthimi në bulevardin Ataturk ndodhi vetëm pak orë përpara seancës parlamentare.

LEXONI GJITHASHTU:

• Sulm me bombë para Ministrisë së Brendshme në Turqi, plagosen 2 policë
• “Nuk isha as me dekolte”-shqiptarja “përplaset” me vajzën e mbuluar në Turqi