Sulmohet aplikacioni i Euronews Albania për numërimin e votave

Sulmohet aplikacioni i Euronews Albania për rezultatet e numërimit të votave për zgjedhjet e 25 prillit.

Mëngjesin e sotëm për më shumë se 30 minuta faqja online e rezultateve nuk ishte aktive, por u rikthye menjëherë në funksion pas punës së grupit të IT të Euronews Albania.

Që pas mbylljes së procesit të votimit dhe nisjes së procesit të numërimit, Euronews Albania nëpërmjet këtij aplikacioni, ka raportuar orë pas orë procesin e numërimit në 12 qarqet e vendit.

Në aplikacion janë të dhënat për numërimin e votave për secilin qark, të detajuara me numra dhe përqindje.

Këto të dhëna janë përpiluar nga Euronews Albania duke iu referuar shifrave të KQZ-së.