Gazetari Arjon Sula ishte këtë të mërkurë i ftuar në “Barometri” në Euronews Albania ku ka komentuar sondazhet e kryera lidhur me besueshmërinë e qytetarëve te SPAK.
Sipas sondazhit tek votuesit socialistë ka rënë vlerësimi për SPAK me 7.6 pikë, ndërsa votuesit demokratë janë rritur me 28 pikë në vlerësimin për SPAK.
Sula u shpreh se e priste që për socialistët të kishte një rënie, por ajo që nuk e priste ishte që demokratëve tu rritej besimi te SPAK.
“Rënien e PS-së e parashikoja, por nuk parashikoja rritjen e PD-së me 28 pikë. Demokratët kanë reaguar menjëherë pozitivisht për SPAK-un ndaj arrestimit të Erion Veliaj. Pra ata kanë parë faktin, jo retorikën e Berishës. Kategoria e të paidentifikuarve, kanë pasur gjithashtu rritje. Edhe ata që janë pa parti, prapë kanë ngritje në pëlqyeshmërinë e SPAK-ut. Me pak fjalë duan pastrim”,-tha Sulo.
LEXONI GJITHASHTU:
- Socialistët bien në vlerësimin për SPAK, demokratët rriten, pas arrestimit të Veliaj
- Rritet besimi te SPAK, 52.1% e qytetarëve i besojnë këtij institucioni
