Superkupa e Evropës/ Sevilla sfidon kampionët e Guardiolës, Greqia pret finalen

Manchester City dhe Sevilla do të përballen me njëra-tjetrën, ndërsa vetëm një skuadër ka mundësi që të nrejë lart trofeun e Superkupës së Evropës.

Fituesit e Ligës së kampionëve, konkretisht Manchester City përballen me triumfuesit e Europa League, ndërsa përballja zhvillohet në Greqi.

Spanjollët sfidojnë gjigantët britanikë, me synimin që të përsërisin finalen e 2006-ës, ku mposhtën Barcelonën me rezultatin 3-0. Llogaritë bëhen ndryshe sonte, pasi kualitetet që ka në dispozicion Guardiola janë të jashtëzakonshme edhe pse mungesat kyce si De Bruyne, Dias apo Stones mbeten një shqetësim. Në dyshim është dhe fantazisti portugez Bernardo Silva.

Në anën tjetër dhe Sevilla do të duhet të bëjë pa 5 lojtarë, Fernando, Januzaj, Marcao, Nianzou dhe Vacas.

4 herë janë përballur të dyja skuadra në ndeshje zyrtare në Evropë, e fundit në vitin 2022, të 4 herët ka triumfuar skuadra angleze.

Favoritë për fitimin e përballjes cilësohet skuadra e Pep Guardiolës. Finalja i është besuar francezit Fransua Leteksier, 34-vjecarit nga Franca.

LEXONI GJITHASHTU: 

• 4500 turistë në ditë në Sarandë, këtë vit kanë ardhur mbi 327 mijë të huaj
• Barcelona rikthen Decon, zbulohet posti drejtues që do të marrë ish-futbollisti