Barcelona rikthen Decon, zbulohet posti drejtues që do të marrë ish-futbollisti

Barcelona njoftoi këtë mërkurën se ish-lojtari portugez Deco do të marrë postin e drejtorit sportiv të klubit.

Siç duket mesfushori 45-vjeçar ka pranuar ofertën e katalanasve duke nënshkruar një kontratë tre vjeçare.

“Deco do të jetë përgjegjës për vendosjen e filozofisë sportive të FC Barcelona për të bashkuar skuadrën me trajnerin dhe do të bëhet shef i seksionit të futbollit”, thuhet në deklaratën e klubit.

Kujtojmë se Deco fillimisht iu bashkua Barcelonës nga Benfica në vitin 2004 dhe fitoi La Liga-n dy herë dhe Ligën e Kampionëve në vitin 2006. Ai qëndroi në klubin katalanas për katër sezone.

Deco më pas e vijoi karrierën te Chealsea, ku luajti dy sezone përpara se të përfundonte karrierën e tij me katër sezone te ekipi i Fluminense në Brazil.

Emërimi i Deco vjen pas një riorganizimi të Barcelonës të shpallur në maj, atëherë kur dhe drejtori sportiv Jordi Cruyff u largua.

Njoftimi klubit thekson gjithashtu se “në javët e ardhshme do të publikohen detajet e strukturës sportive të FC Barcelona”.

LEXONI GJITHASHTU:

• Paratë e klubeve arabe “magnet” për futbollistët, 12 “yjet” që braktisën Evropën
• Roberto Mancini largohet nga Italia, “të kaltrit” në kërkim të trajnerit të ri
• Milani vazhdon presionin mbi Chelsean për Armando Brojën