Superliga/ Tirana merr kreun, ‘ngec’ Partizani, Vllaznia ‘spektakël’ ndaj Laçit

Tirana ka marrë kryesimin e Superligës Shqiptare pas fitores së regjsitruar ndaj Bylisit me rezultatin 4-1. Në anën tjetër, trivalët e Partizanit barazuan përballë Kastriotit, ndërsa Vllaznia afrohet 3 pikë me kreun. Erzeni id ha një shuplakë të rëndë Kukësit, ndërsa Teuta mori një pikë shprese ndaj Egnatias, kjo ishte tabloja e javës së 17 në elitën e futbollit shqiptar.

Tripleta e Patrik dhe një gol i Hasanit i dhanë një trepikësh me shumë vlera bardhebluve të cilët i rrëmbejnë fronin Partizanit. Të kuqtë me një tjetër hap fals zbresin në vendin e dytë. Cara u dha avantazhin e përkohshëm të kuqve, ndërsa Silvio Zogaj barazoi për Kastriotin.

Vllaznia dhuroi spektakël ndaj Laçit në shtëpi, ku triumfoi me rezultatin e thellë 4-1. Një dy golësh i vlonjatit Hoxhaj, Jonuzi e Juriç shënuan për shkodranët, teksa kurbinasit gjetën golin e vetëm me Shkurtajn. Në këtë ndeshje debutoi dhe Bekim Balaj.

Erzeni shtangu Kukësin, me këta të fundit të cilët luanin në shtëpi. Nga 1 gol për secilën pjesë i dhanë 3 pikët Xhevahir Kapllanit, i cili e sheh veten në vendin e 5-të. Teuta barazoi me Egnatian në Niko Dovana, në një ndeshje tejet emocionuese e të luftuar nga të dyja skuadrat.

LEXONI GJITHASHTU:

• Shqipëria Medalje Ari në ski, Lara Colturi kampione Bote
• E mahnitur nga Tirana, Lara Colturi: Mes shqiptarëve ndihem si në shtëpi
• Lara Colturi bën mrekullinë! Toçi: Shumë shpejt Shqipëria, kampione bote në ski