Lara Colturi bën mrekullinë! Toçi: Shumë shpejt Shqipëria, kampione bote në ski

Skiatorja italiane me shtetësi shqiptare Lara Colturi është kualifikuar në kupën e botës ku janë 22 shtete mes të cilëve edhe Shqipëria.

Elvis Toçi, president i Federatës së Skive, në një intervistë për Euronews Albania u shpreh se me arritjen e fundit Lara na bëri dhuratën më të bukur për festat kombëtare duke ngritur flamurin kuqezi.

Toçi tregoi se nga rekordi i garës së një ditë më parë Lara është cilësuar skiatorja me rekordin më të lartë në një kupë bote

“Vendi i 17 me të qindtat e sekondës me të parën e botës do të thotë që shumë shpejt se mund të jemi kampion bote në ski. Dje gjithë media botërore ka folur për Larën. Për në kupën e botës kualifikohen rreth 100 garues, Lara e fillon me numrin 58, meqë ishte hera e parë që merrte pjesë dhe arriti në vendin e 17, që është një arritje shumë e madhe pasi dallimet janë me sekonda”, shpjegoi Toçi.

LEXONI GJITHASHTU:

• ‘E para në garën e Amerikës Latine’, Xhuglini: Lara Colturi vendosi rekord të ri
• Skiatorja Lara Colturi renditet e para në garën e Amerikës Latine