‘E para në garën e Amerikës Latine’, Xhuglini: Lara Colturi vendosi rekord të ri

Sekretari i Përgjithshëm i Federatës Shqiptare të Skive, Etrit Xhuglini deklaroi se skiatorja italiane, por me nënshtetësi shqiptare Lara Colturi, ka thyer rekordin e saj personal, që është edhe rekordi i pikëve të një sportisti shqiptar.

Në një intervistë për “Euronews Albania”, Xhuglini u shpreh se Colturi arriti ditën e djeshme rezultatin prej 22 pikësh, nga 28.5 që arriti teksa u rendit e para në garën e skive në Amerikën Latine.

Sipas tij, ky është një rezultat i jashtëzakonshëm, për faktin se Colturi është vetëm 15 vjeç.

“Është vetëm 15 vjeç, është një super talent i skive botërore. Ne prisnim që të kishte rezultate të jashtëzakonshme, por jo të këtyre përmasave. Ajo ritheu rekordin e pikëve duke arritur në 22 pikë në garën e djeshme. Në ski, sa më mirë paraqitesh, aq më pak pikë duhet të kesh. Kampionët e botës janë me zero pikë. Pra, ajo ritheu rekodrin e saj personal. Është një rezultat i jashtëzakonshëm. Kur kujtojmë që është vetëm 15 vjeç, asnjë në moshën e saj, por edhe 18-vjeçarët nuk i kanë këto rezultate me kaq pak pikë në nivel ndërkombëtar”, theksoi Xhuglini.

LEXONI GJITHASHTU

• Skiatorja Lara Colturi renditet e para në garën e Amerikës Latine
• Florian Marku mposht meksikanin Ramirez