Supersfida PSG-Bayern, francezët rikuperojnë dyshen Messi-Mbappe

Park de Princ pret sot përballjen e yjeve botërorë të futbollit, aty ku Messi, Mbape e Nejmar përballen me Sane, Myler Muziala. Uefa Cempions Lig pritet të dhurojë spektakël në kryesfidën e mbrëmjes mes PSG-së dhe Bayernit, e cili nis në orën 20:45. 6 herë fituesit e trofeut zbresin në fushë përballë parizienëve, të cilët nuk kanë mundur ende të ngrenë lart trofeun.

11 herë janë përballur me njëri-tjetrën Bajerni dhe Paris Sen Zhërmen në kompeticionin më të lakmuar për klube, ku 5 fitore i takojnë gjermanëve dhe 6 francezëve. Më i rëndësishmi padyshim mbetet triumfi i vitit 2020, aty ku Kingsli Koman i dhuroi trofeun Bajernit të Mynihut pikërisht në përballjen ndaj ish-skuadrës së tij Parisit.

Parizienët kanë mundur të rikuperojnë dyshen Mesi-Mbape e cila ishte në dyshim, ndërsa mungesat e vetme janë Mukiele-Sançes. Tek gjermanët mungesat mbeten problem kryesor në çdo edicion të ligës së kampionëve, Nojer, Mazraui, Mane dhe Hernandez nuk kanë udhëtuar me skuadrën drejt kryeqytetit francez, fakt që konfirmon se nuk do të jenë në dispozicion të Julian Nagelsman.

LEXONI GJITHASHTU:

• Bayern grumbullon lojtarin shqiptar për duelin e Champions-it kundër PSG-së
• Neymar për ndeshjen kundër Bayern-it: Nuk do jetë e lehtë, por duam Champions-in