Tafçiu: S’mund ta quajmë islamologe, Ikballe Hudutin që kërkon gra për bashkëshortin

Pedagogia, Malvina Tafçiu thotë se deklarata e Ikballe Hudutit, e cila tha se i ka gjetur dy gra të tjera bashkëshortit të saj, është personale dhe se ajo nuk mund të quhet islamologe.

Në emisionin “Good Morning Albanians” në Euronews Albania, Tafçiu u shpreh se deklarata të tilla nuk përfaqësojnë islamin e vërtetë.

“E them me bindje që shokohemi kur dëgjojmë të tilla deklarata. Deklarata të tilla si e zonjës Ikballe, që martesa promovon martesën e përkohshme, e theksoj që është në mënyrë kategorike e ndaluar fetarisht. Nuk e përligj me urdhëresat e islamit, nëse flasim për islamin e vërtetë. Është gabim.

Deklaratat e saj janë personale dhe nuk mund ta quajmë ismanologe. Një deklaratë individuale të zonjës nuk mund ta quajmë gjithëpërfshirëse të islamit të vërtetë. Ajo përfaqëson veten e saj, është në minorancë”, theksoi ajo.

Ka bërë shumë bujë së fundmi deklarata e islamologes Ikballe Huduti në një program televiziv në Kosovë, teksa ajo është shprehur se i ka gjetur vetë edhe dy gra të tjera për burrin e saj.

Kjo deklaratë nuk është pritur mirë nga shumë gra të tjera besimtare, të cilat nuk bien dakord me këtë zgjedhje të Ikbales.

Nuk është vetëm rasti i saj, sepse më herët është përfoluar gjithashtu në media për gra të tjera të njohura publikisht, të cilat kërkojnë që të legjitimohet poligamia dhe që bashkëshortët e tyre të jenë të lirë të kenë sa gra të duan, për aq kohë sa mund t’i trajtojnë të gjitha njësoj.

LEXONI GJITHASHTU

• Tafçiu: Në fe dënohet dhuna e vrasja, e drejta e gruas nëse do të mbulohet apo jo

• Malvina Tafçiu: Dua të jem në Kuvend deputete me shami