Tajvani: Fluturimi i dronit kinez pranë ishujve Pratas është provokues dhe i papërgjegjshëm

Një dron kinez  bëri një fluturim të shkurtër mbi Ishujt Pratas në Detin e Kinës Jugore, të kontrolluar nga Tajvani. Lidhur me këtë ngjarje ka reaguar ministria e Mbrojtjes në Taipei e cila e përshkroi veprimin si provokues dhe të papërgjegjshëm.

Tajvani, i cili ka një qeveri demokratike dhe pretendohet nga Kina si territor i vetin, raporton aktivitet ushtarak kinez përreth tij pothuajse çdo ditë, duke përfshirë fluturime nga dronë kinezë, të cilët rrallë hyjnë në hapësirën e tij ajrore.

Ministria e Mbrojtjes e Tajvanit tha se droni kinez u pa rreth agimit duke iu afruar Ishujve Pratas dhe duke fluturuar në hapësirën ajrore tajvaneze për tetë minuta dhe në një lartësi jashtë rrezes së veprimit të armëve kundërajrore.