Tajvani i gatshëm për të ndihmuar Kinën për COVID-in

Presidentja e Tajvanit, Tsai Ing-wen u shpreh e gatshme t’i ofrojë Kinës “ndihmën e nevojshme” për ta ndihmuar atë të përballet me një rritje të rasteve të COVID-19.

Por ajo tha se aktivitetet ushtarake kineze pranë ishullit nuk ishin të dobishme për paqen dhe stabilitetin, shkruan Reuters.

Tsai, në mesazhin e saj tradicional për vitin e ri, të dorëzuar në zyrën presidenciale, deklaroi se të gjithë kishin parë rritje të rasteve në Kinë, e cila e sheh Tajvanin si territorin e vet dhe ka rritur presionin ushtarak për të pohuar këto pretendime.

“Për sa kohë që ka nevojë, bazuar në pozicionin e kujdesit humanitar, ne jemi të gatshëm të ofrojmë ndihmën e nevojshme për të ndihmuar më shumë njerëz të dalin nga pandemia dhe të kenë një vit të ri të shëndetshëm dhe të sigurt”, theksoi presidentja, pa dhënë detaje.

LEXONI GJITHASHTU

• COVID-i, Franca: BE-ja të vendosë masa ndaj udhëtarëve nga Kina

• Kim Jong Un urdhëron zgjerimin e arsenalit bërthamor të Koresë së Veriut

• Kroacia, zyrtarisht pjesë e Eurozonës dhe Shengenit