Zëvendëskryeministrja e Sllovenisë dhe ministrja e Punëve të Jashtme, tha sot pas takimit me shefin e diplomacisë serbe, Ivica Daçiç, se normalizimi i marrëdhënieve ndërmjet Beogradit dhe Prishtinës është më i rëndësishmi.
Fajon theksoi se respektimi i Marrëveshjes së Brukselit është vendimtar për bashkëpunimin e mëtejshëm.
Ndërsa Daçiç tha se presidenti i Serbisë, Aleksandar Vuçiç, e ka njoftuar Fajon për problemet në Kosovë, duke kujtuar se Marrëveshja e Brukselit është nënshkruar nëntë vite më parë dhe se është e qartë se kryeministri Albin Kurti, nuk dëshiron ta zbatojë atë.
Fajon theksoi më tej se Sllovenia dëshiron që Serbia të anëtarësohet sa më shpejt në BE.
Dy ministrat paralajmëruan caktimin e seancës së dy qeverive dhe vlerësuan se ka një shkallë të lartë të bashkëpunimit ekonomik, i cili sipas të dhënave serbe arrin në 1.4 miliardë euro.
LEXONI GJITHASHTU:
- Dendias: Të respektohen marrëveshjet e arritura mes Prishtinës dhe Beogradit
- Kupa e Botës | E marta ditë feste në Argjentinë, 1 milion qytetarë në sheshe
- Ngjarja në uzinën e Gramshit, Rusia kërkon ekstradimin e spiunes Svetlana Timofoeva