TAP dyfishon gazin për Europën, Presidenti i Azerbajxhanit: Rritet roli i Shqipërisë

Roli i Shqipërisë në sigurinë energjetike të Europës do të rritet akoma edhe më shumë përmes gazsjellësit TAP.

Lajmin e bëri të ditur presidenti azer, Ilham Aliev gjatë konferencës së përbashkët me kreun e shtetit shqiptar Bajram Begaj, nga ku theksoi se shumë shpejt do të dyfishohet sasia e gazit që Azerbajxhani sjell në Europë përmes TAP-it.

“Sa i takon furnizimit me gaz, vendet tona kanë bashkëpunuar me shumë sukses për gazsjellësin TAP. Ka pasur një takim të këshillit të 1000 përfaqësuesve të gazit. Gazi natyror po kontribuon për sigurinë energjetike të Europës. Nënshkruam memorandumin e bashkëpunimit për bashkëpunimin strategjik. Kemi planin të dyfishojmë vëllimin me gaz për Europën. Ky gaz do të kalojë përmes Shqipërisë dhe do t’i japë kontribut shtesë Shqipërisë”, tha Ilham Aliev.

Sakaq, për presidentin e Shqipërisë Begaj, rritja e bashkëpunimit me një vend mik si Azerbajxhani është me rëndësi strategjike.

“Ne mirëpresim hapjen e ambasadës azerbajxhanase në vendin tonë. Diskutimet sot, u fokusuan në nevojën për identifikimi në fushat e interesit të përbashkët. Shqipëria synon një bashkëpunim më të ngushtë në energji, infrastrukturën, bujqësi e turizëm. Infrastruktura e gazit po bëhet gjithnjë  më e rëndësishëm. TAP p.sh. e bën vendin tonë një shpërndarës të interesave strategjike”, u shpreh Bajram Begaj.

LEXONI GJITHASHTU

• Varshava merr përsipër asetet polake të Gazprom
• FOTO| Afron ora e protestës, policia me maska kundra gaz
• Mbi 20 të helmuar nga rrjedhja e gazit në Itali, tre në gjendje të rëndë