Tatimet nuk mbledhin dot borxhet, nga 900 milionë u mblodhën vetëm 40

Kuadri ligjor u mundëson tatimeve që të mbledhin me forcë detyrimet e prapambetura. Por, gjatë vitit 2021, 7 për qind e këtyre përpjekjeve për arkëtimin e tyre ka qenë e suksesshme.

Shifra del në një raport auditi të Kontrollit të Lartë të Shtetit. KLSH thotë se masa shtrënguese përmes bllokimit të llogarive bankare të bizneseve debitorë është aplikuar në 48 mijë raste për një vlerë totale prej 570 milionë eurosh borxh. 

Arkëtimi është siguruar në të paktën 45 mijë raste, por duke arkëtuar vetëm 39 milionë euro, ose rreth 7 të detyrimeve ku është aplikuar kjo masë shtrënguese. 

Mbi 10 mijë kanë qenë përpjekjet e tatimeve për të arkëtuar detyrimet përmes vendosjes së barrës së sigurisë. Shuma totale e detyrimeve në këto raste ka qenë 902 milionë euro, nga të cilat vetëm 1 për qind janë arkëtuar, ose rreth 1 milionë euro. 

Një pjesë e mirë e këtyre detyrimeve konsiderohen si të pambledhshme për shkak të falimentimit të bizneseve. Fondi Monetar Ndërkombëtar ka këshilluar fshirjen e borxhit të grumbulluar nga biznese joaktive. Në 2020 vlerësohej se borxhi i bizneseve joaktive te tatimet ishte mbi 700 mln euro.

LEXONI GJITHASHTU:

• 1.15 mld euro, detyrimet e bizneseve te tatimet
• 1.2 mld lekë fatura fiktive/ Tatimet zbardhin skemën e mashtrimit me TVSH