“Të degradojmë makinerinë e luftës të Putinit”- BE paketë të re masash ndaj Rusisë

Vendet anëtare të Bashkimit Evropian ranë dakord të mërkurën për një raund të 13-të të sanksioneve kundër Rusisë. Sanksionet pritet të hyjnë në fuqi të shtunën në ditën që shënohet dyvjetori i pushtimit rus të Ukrainës.

Masat e fundit nga BE vijnë pasi Rusia fitoi terren në fushën e betejës, teksa Ukraina lufton me mungesën e municioneve të furnizuara nga perëndimi. BE-ja përballet me kritika në rritje se sanksionet tashmë në fuqi po dështojnë të ndalojnë aftësinë e Presidentit Vladimir Putin për të zhvilluar luftën e tij në Ukrainë.

Megjithatë, presidentja e Komisionit Evropian, Ursula von der Leyen e përshëndeti marrëveshjen, duke shkruar në një postim në X : “Ne duhet të vazhdojmë të degradojmë makinën e luftës të Putinit”.

Paketa shton rreth 200 emra në listën e individëve të sanksionuar që u ndalohet të udhëtojnë në BE, ndërsa si individët ashtu edhe kompanitë përballen me ngrirje të pasurive të tyre.

Sipas një dokumenti të publikuar, BE do të ashpërsojë eksportet, dhe ndër të tjera do të ndalë tregtinë e kompanive europiane me ato firma kineze që furnizojnë Rusinë me mallra të përdorimit ushtarak. Masat e reja të sanksioneve drejtohen kundër gati 200 institucioneve dhe personave të veçantë. Me to nuk lejohet më tregtia dhe hyrja e tyre në territorin e BE.

LEXONI GJITHASHTU:

• “Maskat janë hequr”- Lukashenko paralajmëron për Luftë të Tretë Botërore
• Armë bërthamore ruse në hapësirë? Reagon për herë të parë Putin