‘Të mbajmë pastër ambientin’, dhjetëra vullnetarë të rinj pastrojnë Shirokën

Në muajin botëror të kujdesjes ndaj krijuesit, dhjetëra të rinj vullnetarë të mbështetur dhe nga kisha katolike në Shkodër ndërmorën një fushatë sensibilizuese me focus pastrimin e mjedisit.

Nxënës dhe studentë u bënë bashkë për të kontribuar në pastrimin e hapësirës përreth liqenit të Shkodrës.

Për organizatorin e kësaj nisme është shumë e rëndësishme që rinia u mblodh në funksion të pastrimit të mjedisit.

“Sot shohim që të rinjtë po bëjnë një veprim konkret, një pastrim sado i vogël, por i nevojshëm për ambientin tonë”, tha Dom Gjovalin Simoni.

Arjana Guri, një nga të rejat që u bë pjesë e pastrimit ka një mesazh të rëndësishëm për të rinjtë.

“Gjëja e parë që duhet të bëjmë është sensibilizimi i moshave të reja”, u shpreh ajo.

Aktiviteti i zhvilluar u fokusua tek shpalosja e mesazheve ndërgjegjësuese në forma të ndryshme nga nxënësit e shkollave, të cilët në thelb kishin ndërgjegjësimin e qytetarëve për të mos ndotur ambjentin.

LEXONI GJITHASHTU

• 1 milion € tender ekstra nga qeveria për pastrimin e Durrësit
• Pastrimi i ujërave, nisma në ishullin grek për të larguar mbetjet nën ujore
• Korrupsion dhe pastrim parash, SPAK akuza zyrtare për Kokën dhe Bllakon