Të paktën 197 të vdekur dhe 128 të zhdukur nga supertajfuni në Vietnam
Të paktën 197 persona humbën jetën dhe 128 të zhdukur nga përmbytjet dhe rrëshqitjet e dheut të shkaktuara nga tajfuni Yagi, që goditi Vietnamin të shtunën, njoftoi sot Ministria e Bujqësisë dhe Zhvillimit Rural të këtij vendi.
Yagi, tajfuni më i fortë që ka goditur Azinë këtë vit, zbarkoi në bregun verior të Vietnamit të shtunën dhe u nis drejt perëndimit, duke goditur kryeqytetin Hanoi me stuhi dhe shira të dendur, raportoi Xinhua.
Stuhia goditi gjithashtu provincat e tjera përgjatë lumit të Kuq, duke rrëzuar një urë të hënën.
Autoritetet nisën një fushatë për të mbledhur donacione për të prekurit të martën, dhe pothuajse 17 milionë dollarë janë mbledhur që nga nisja dhe numërimi i nismës.
Qeveria vietnameze ka akorduar 200 ton oriz nga rezerva kombëtare dhe fonde shtesë për 14 provincat e prekura për të ndihmuar popullsinë lokale ndërsa punon për riparimin e dëmeve, kryerjen e operacioneve të kërkim-shpëtimit dhe rivendosjen e shërbimeve bazë.
Një tajfun goditi Tajlandën të mërkurën, duke vrarë të paktën dy persona dhe duke lënë qindra të bllokuar pasi misionet e shpëtimit u penguan nga përmbytjet dhe rrëshqitjet e dheut.
Në Filipine, të paktën 16 persona humbën jetën si pasojë e tajfunit dhe në Kinë, dy persona.
Rubio: Grupi teknik për Iranin mblidhet sërish javën e ardhshme në Zvicër
Bill Gates: Epstein kishte ndërmend të më shantazhonte për lidhjet e mia jashtëmartesore
Irani eksporton 40 milionë fuçi naftë brenda qershorit
- 18:59 Rama poston videon: Bufi i kthyer në Flamingo
- 18:58 Rubio: Grupi teknik për Iranin mblidhet sërish javën e ardhshme në Zvicër
- 18:56 Bill Gates: Epstein kishte ndërmend të më shantazhonte për lidhjet e mia jashtëmartesore
- 18:55 Irani eksporton 40 milionë fuçi naftë brenda qershorit
- 18:48 Protesta në Tiranë hyn në ditën e 25-të, qytetarët pritet të mblidhen para godinës së Kryeministrisë
- 18:46 Zvicra rifillon pagesat për sistemin Patriot dhe kërkon edhe një sistem tjetër të mbrojtjes ajrore