Të paktën 20 persona kanë vdekur si pasojë e përmbytjeve dhe tornadove në shumë shtete të SHBA-së, duke përfshirë Tennessee, Kentucky dhe Georgia sipas mediave të huaja.

Sipas kanalit televiziv, një nga të vdekurit ishte një djalë nëntë vjeçar nga Kentaki, i cili u përfshi nga një përmbytje në rrugën e tij për në stacionin e autobusit. Shumica e vdekjeve ndodhën në Tenesi, disa prej tyre viktima të një tornadoje të fuqishme që goditi qytetin Selmer.

Përveç kësaj, dy persona vdiqën në Gjeorgji pasi një pemë ra mbi ta në një fushë golfi. Guvernatori i Gjeorgjisë, Brian Kemp shprehu ngushëllimet e tij për të dashurit e tyre. Në total, sipas kanalit televiziv, më shumë se 90 tornado u regjistruan në 10 shtete.

Mediat raportuan ditën e djeshme se shirat e fuqishëm shkaktuan përmbytje shkatërruese në shtetet qendrore. Sipas Qendrës së Parashikimit të Stuhive, 41 milionë njerëz nga Lugina e Ohajos deri në Teksasin juglindor janë në rrezik. Arkansas, Misuri, Tenesi dhe Misisipi kanë shpallur nivelin më të lartë të kërcënimit, të 4-tin, për shkak të përmbytjeve.

Reshjet e shiut kanë çuar në evakuime emergjente dhe mbyllje të rrugëve, me më shumë se 6,000 vonesa të fluturimeve dhe ndërprerje të gjera të energjisë të regjistruara vetëm të shtunën.

LEXONI GJITHASHTU:

• Vrau 3 anëtarë të një familjeje në Gjermani, policia operacion kërkimi për autorin
• Shkencëtarët po studiojnë mbretëreshat e bletëve për sekretin e jetëgjatësisë