Policia e shtetit nigerian Benue njoftoi sot se të paktën 74 persona u vranë në dy sulme të armatosura në Benue javën e kaluar.
Zëdhënësja e policisë Benue Catherine Anene tha se 28 trupa u gjetën në një kamp për personat e zhvendosur brenda natës të së premtes deri të shtunën, raporton Reuters.
Të mërkurën, disa barinj të armatosur vranë 46 njerëz në një funeral në fshatin Umogidi, tha këshilltari i sigurisë i guvernatorit Benue, Paul Emba.
Në këtë shtet nigerian ka konflikte të shpeshta midis barinjve dhe fermerëve për shkak të burimeve të kufizuara natyrore dhe rritja e popullsisë vitet e fundit ka çuar në zgjerimin e zonës për bujqësi, gjë që kërcënon barinjtë.
Veriu i shtetit Benue është kryesisht mysliman, ndërsa jugu është i banuar nga të krishterë.
Ndarjet fetare dhe etnike në Benue shpesh përkojnë me ndarjen në barinjtë dhe fermerët, vëren agjencia britanike.
LEXONI GJITHASHTU: