Të paktën 9 të vdekur nga përmbytjet në Kinë, pezullohen trenat

Të paktën nëntë persona kanë vdekur në qytetin Meizhou në provincën Guangdong dhe gjashtë të tjerë janë zhdukur mes përmbytjeve që kanë goditur Kinën jugore.

Guangdong ka përmirësuar planin e tij të reagimit emergjent për rrëshqitjet e dheut, përmbytjet dhe fatkeqësitë e tjera në nivelin e dytë më të lartë.

Reshjet e dendura pritet të rifillojnë të premten dhe do të zgjasin deri të hënën në rrjedhën e mesme dhe të poshtme të lumit Yangtze, rruga më e gjatë ujore e Azisë, tha Stacioni Qendror Meteorologjik i Kinës.

Më shumë shi mund të bien në disa zona në dy javët e ardhshme, tha Qendra Kombëtare Meteorologjike.

Autoritetet në Guilin, një qytet i madh në Guangxi në Kinën jugperëndimore, aktivizuan një alarm paralajmërues “të kuq” për përmbytjet dje, raportoi sot China Daily.

Zyrtarët e Stacionit Hekurudhor Guilin kanë pezulluar disa trena dhe disa rrugë do të ndryshohen.

Sipas agjencisë së lajmeve Xinhua, qeveria qendrore në Pekin ka akorduar 48.6 milionë dollarë fonde për ndihmën ndaj fatkeqësive për të ndihmuar në luftimin e përmbytjeve dhe thatësirave.

LEXONI GJITHASHTU:

• Përmbytjet në Europë: Austria mbyll Danubin, probleme në Poloni e Gjermani
• Shkon në 11 numri i të vdekurve pas përmbytjes së anijeve në Detin Mesdhe