Të shtëna me armë zjarri në Lezhë

Të shtëna me armë zjarri janë regjistruar në Lezhë gjatë ditës së sotme.

Sipas burimeve, dyshohet se nga të shtënat ka mbetur i vdekur një person. Po ashtu dyshohet se viktima ka qenë kushëri me Ardian Nikulajn, i vrarë nga disa shtetas të huaj me porosi të Edmond Haxhisë, nipit të Lekstakajve, me të cilët ai ishte në hasmëri.

Ndërkohë Policia ndodhet në vendin e ngjarjes për identifikimin dhe kapjen e autorëve dhe zbardhjen e plotë të saj.

Njoftimi i Policisë:

Lezhë/Informacion paraprak

Rreth orës 21:30, në aksin rrugor “Lezhë-Shkodër”, në vendin e quajtur “Ura e trenit”, në rrethana ende të paqarta, është qëlluar me armë zjarri në drejtim të automjetit që drejtohej nga shtetasi E. N., 40 vjeç, banues në Shëngjin.

Si pasojë është plagosur shtetasi E. N., i cili është transportuar në gjendje shumë të rëndë, në spitalin e Lezhës, për ndihmë mjekësore.

Për këtë ngjarje është ngritur menjëherë një grup i posaçëm hetimor, si dhe janë ngritur pika kontrolli në të gjitha akset rrugore.

Ndërkohë, vijon intensivisht kontrolli i zonës.