Të shtëna me armë zjarri pas konfliktit mes disa personave në Tiranë

Një konflikt mes disa personave në kryeqytet ka përfunduar me përdorimin  e armëve të zjarrit.

Policia bëri me dije përmes një njoftimi për mediat se rreth orës 11:10, në Institut, dyshohet se gjatë një konflikti për motive të dobëta është qëlluar me armë zjarri në ajër.

Shërbimet e Policisë kanë shkuar menjëherë në vendngjarje dhe kanë shoqëruar për veprime të mëtejshme shtetasin Y. C, i dyshuar i përfshirë në konflikt.

Gjatë kontrollit fizik këtij shtetasi i është gjetur një armë zjarri pistoletë. Aktualisht, nuk ka të dhëna për persona të dëmtuar/lënduar.

Punohet për identifikimin e kapjen e shtetasve të tjerë të përfshirë në konflikt dhe dokumentimin e plotë të ngjarjes.

LEXONI GJITHASHTU:

• Plagoset me armë zjarri 26-vjeçari në Shkodër, shpallet në kërkim autori
• EMRI| Përplasje me armë zjarri në Golem, plagoset 22-vjeçari