Për ekspertin e ekonmisë, Klodian Muço duhet të ulet për një periudhë kohore të përkohshme, ulja e TVSH-së për produktet e shportës për shkak të krizës së çmimeve.
Në një intervistë për “Euronews Albania”, Muço tha se në ulja e përkohshme e TVSH-së do të bëjë që të ardhurat të shkojnë në xhepat e qytetarëve.
“Nëse do e bënim në Shqipëri dhe do e bënim për një periudhë të përkohshme, 3 mujore, kjo do të kishte një efekt direkt te qytetarët shqiptarë, këto të ardhura do të shkonin në xhepat e tyre.
Në të gjitha vendet që kanë bërë një reduktim të përkohshëm të TVSH-së, gjithmonë koha ka treguar që të ardhurat shkojnë në xhepat e qytetarëve. Më tepër sesa një ulje të TVSH-së për shportën e konsumit në mënyrë të përhershme, do propozoja një ulje të TVSH-së për një periudhë të përkohshme, 3 ose 6 mujore”, theksoi ai.
Partitë opozitare propozuan 8 pika për të mbrojtur qytetarët dhe tregun nga çmimet e larta.
Në një dalje për mediat ditën e djeshme, Partia Demokratike dhe Partia e Lirisë kërkuan reduktim të taksave të naftës, rritje të rrogave e pensioneve dhe subvencionim në transportin publik.
LEXONI GJITHASHTU
- Eksperti: Shqiptarët në vështirësi ekonomike, nga muaji mars çmimet vetëm në rritje
- Hapja e eksporteve të grurit ul çmimet, rënie rekord pas vitit 2008
- Rënie rekord e çmimit të naftës në bursa, nuk ndryshon në Shqipëri
