Teatri Eksperimental është I pari teatër që do të nisë shfaqjet teatrale për vitin 2025, duke nisur nga e enjtja.
Në skenë do të ngjiten dy shfaqje, “Lezetet e mëkatit bashkëshortor për publikun e rritur dhe shfaqja një “Tigër në Shtëpi” për vogëlushët. Ky sezon do të nisë me rivënie ndërsa premiera e parë do të jetë në fillim të muajit shkurt, ndërkohë do ti jepet kohë bordit në përzgjedhjen e premierave të reja.
Teatri I Kukullave do të nis shfaqje duke nisur nga kjo fundjavë ku e çel sezonin e ri me një vepër shqiptare, me legjendën e Rozafës.
Ndërsa teatrot e tjera, aktivitetin turistik për sezonin e ri do ta nisin pas javës së tretë të janarit.
Teatri Metropol do të nisë sezonin më 18 janar me rivënien e shfaqjes për fëmijë “Së prapthi”, ndërsa për publikun e rritur do të vijojë shfaqja e Spiro Dunit, e cila premierën e pati në fund të dhjetorit.
Teatri Kombëtar i Operas dhe Baletit, i cili pas shkarkimit të drejtoreshës Abigela Voshtina është në drejtimit e drejtorit të komanduar Aulon Naçi, do të rikthehet në skenë me shfaqjen në mesin e janarit ku dhe do të prezantohet dhe kalendari artistik.
Po kështu do të jetë dhe për Teatrin Kombëtar, i cili rikthehet me rivënien në skenë të veprës “Turjela” .
Ndërsa Muzeu Historik Kombëtar i cili aktualisht është nën rikonstruksion do të drejtohet nga Elenita Roshi, e njohur për kontributin e saj në fushën e kulturës.
