Teksa Putin i drejtohet kombit, OKB shpërndan shifrat e civilëve të vrarë në Ukrainë

Ndërkohë që Putin po mban një fjalim të gjatë në Moskë drejtuar kombit, Zyra e OKB-së për të Drejtat e Njeriut ka nxjerrë sot shifrat e viktimave civile gjatë një viti të luftës në Ukrainë.

Vdekjet e verifikuara tani janë 8,006 me 13,287 të tjerë, të plagosur.

Megjithatë Matilda Bogner, përfaqësuese e misionit të OKB-së për të drejtat e njeriut në Ukrainë, paralajmëroi se shifra reale do të ishte shumë më e lartë.

“Në veçanti, mungojnë shifrat e detajuara nga qyteti i Mariupolit”, tha Bogner.

OKB-ja ka dokumentuar mbi 2,000 vdekje atje, por gjithashtu ka prova anekdotike nga të burgosurit rusë, njëri prej të cilëve i tha OKB-së se ushtarëve rusë iu dhanë kuota për të mbledhur të paktën një kamion plot me trupa në ditë në Mariupol.

LEXONI GJITHASHTU: 

• Putin: Rusia donte ta zgjidhte konfliktin në Ukrainë në mënyrë paqësore
• Putin fjalim në Moskë: Ukraina filloi luftën, ne mbrojtëm njerëzit tanë
• Putin akuza Perëndimit: Është tërhequr nga marrëveshjet themelore