Tenderi 3 mln euro, avokati i zyrtarit të Bashkisë Bulqizë: Paguhej 40 mijë lekë

GJKKO ka lënë në fuqi masën e sigurisë “Arrest në burg” kryebashkiakun e Bulqizës, Lefter Alla dhe 12 zyrtarët e tjerë të kësaj bashkie.

Gazetari i Euronews Albania, Eni Ferhati raportoi se gjatë seancës, avokati Jordan Daci, i cili përfaqësonte një prej zyrtarëve dhe se klienti i tij paguhej 40 mijë lekë në muaj në bashki, duke shprehur pakënaqësinë për arrestimin e tij.

Ndërkaq, avokati i kryebashkiakut, Hysni Demiraj është shprehur se Alla ka qenë më parë biznesmen i fuqishëm dhe nuk ka dikuar në tenderin me vlerë 3 milionë euro.

“Avokatët e disa të akuzuarve janë prononcuar për mediat, Fillimisht, ishte avokati Jordan Daci i cili përfaqësonte një prej zyrtarëve të Bashkisë së Bulqizës, ku tha se klienti i tij ka qenë pjesë e bashkisë me një rrogë prej 40 mijë lekë dhe ata janë futur në burg duke shprehur kështu pakënaqësi në lidhje me vendimin e gjykatës.

Më tej, ishte avokati Hysni Demiraj i cili përfaqëson edhe kryetarin e Bashkisë së Bulqizës, zotin Lefter Alla. Ai tha se zoti Alla ka qenë biznesmen i suksesshëm para se të bëhej kryetar bashkie dhe sipas tij, ai nuk ka ndërhyrë në këtë tender”, raportoi Ferhati.

Alla është vënë pranga me urdhër të SPAK me akuzën e shpërdorimit të detyrës.

Përmes një njoftimi zyrtar, SPAK sqaron se është arrestuar edhe nënkryetari i bashkisë dhe 9 persona të tjerë të cilët në bashkëpunim me njëri-tjetrin kanë konsumuar veprën penale “Shkelje e barazisë së pjesëmarrësve në tenderë apo ankande publike”.

Shkelja e zyrtarëve të bashkisë ka të bëjë me një tender prej 3 mln eurosh për Ndërtimi rrjetit furnizimit dhe rrjetit shpërndarës Ujësjellësi dhe ndërtimi i rrjetit të KUZ, Lagja e vjetër, qyteti Bulqizë, Bashkia Bulqizë.

LEXONI GJITHASHTU

• Tenderi 3 milionë euro, gjykata lë në burg kryebashkiakun e Bulqizës dhe 12 zyrtarët
• Habit juristi i bashkisë Bulqizë, ‘troket’ gjatë gjyqit: Dëgjova që jam i arrestuar
• Tenderi 3 mln euro, çfarë deklaroi kryebashkiaku i Bulqizës para gjykatës