Tenderi 3 mln euro, çfarë deklaroi kryebashkiaku i Bulqizës para gjykatës

Euronews Albania ka siguruar dëshminë e kryebashkiakut të Bulqizës, Lefter Alla gjatës seancës gjyqësore të zhvilluar ndaj tij, pasi u arrestua.

Alla i ka konsideruar politike akuzat e ngritura ndaj tij.

“Në gjykimin tim, më mirë të më thonin hap krahun, se sa të bëhen këto gjyqe politike”, mësohet të ketë thënë ai gjatë seancës.

Ndërkaq, vijon seanca për verifikimine masës së sigurisë ndaj Allës dhe zyrtarëve të tjerë bashkë me përfaqësuesit e firmave private.

Kryebashkiaku i Bulqizës, Lefter Alla është vënë pranga me urdhër të SPAK me akuzën e shpërdorimit të detyrës.

Përmes një njoftimi zyrtar, SPAK sqaron se është arrestuar edhe nënkryetari i bashkisë dhe 9 persona të tjerë të cilët në bashkëpunim me njëri-tjetrin kanë konsumuar veprën penale “Shkelje e barazisë së pjesëmarrësve në tenderë apo ankande publike”.

Shkelja e zyrtarëve të bashkisë ka të bëjë me një tender prej 3 mln eurosh për Ndërtimi rrjetit furnizimit dhe rrjetit shpërndarës Ujësjellësi dhe ndërtimi i rrjetit të KUZ, Lagja e vjetër, qyteti Bulqizë, Bashkia Bulqizë.

LEXONI GJITHASHTU

• Pamje nga Bulqiza, momenti kur sekuestrohen dokumentet
• Zbardhen emrat e 13 të arrestuarve në bashkinë Bulqizë
• Tenderi 3 mln euro, zbulohet çështja që çoi në burg kryebashkiakun e Bulqizës