Zbardhen emrat e 13 të arrestuarve në bashkinë Bulqizë

11 zyrtarë të bashkisë Bulqizë, përfshirë këtu kryetarin Lefter Alla dhe nënkryetaren Enkeleda Lleshi janë arrestuar.

Bëhet fjalë për Rubin Kolën, Erion Isakun, Leonard Dacin, Arseb Gjokën, Kujtim Zogun, Denis Xholin, Rasim Dacin, Dalo Gazidedjan dhe Aqif Koneshën.

Kastriot Ibrahimaj dhe Ana Nishku janë në arrest në shtëpi.

Ata akuzohen se në bashkëpunim me njëri tjetrin kanë shkelur barazinë e pjesëmarrjes në tendera. Mbi ta rëndon edhe akuza e shpërdorimit të detyrës.

Bëhet fjalë për tenderin e ujësjellësit me vlerë afro 3 milionë euro.

Njoftim i SPAK:

Nga hetimi ka rezultuar se për shtetasin nën hetim L. A. me detyrë Kryetar Bashkie me funksionin e tij si i zgjedhur vendor për të administruar konform ligjit Njësinë vendore Bashkinë Bulqizë evidentohet qartësisht sjellja e tij duke dokumentuar disa fakte penale si shkeljet gjatë procedurës së prokurimin publik me proçedurë të hapur në datë 30.04.2021, operatorëve ekonomikë “Egland Sh.p.k” dhe “BE-IS” Sh.p.k, me objekt “Ndërtimi rrjetit furnizimit dhe rrjetit shpërndarës Ujësjellësi dhe ndërtimi i rrjetit të KUZ , Lagja e vjetër, qyteti Bulqizë, Bashkia Bulqizë”, me vlerë të tenderit në shumën 322.439.000 lekë të reja, me afat kohor 10 mujor. Ky shtetas nën hetim në bashkëpunim me nënkryetaren e Bashkisë, dhe punonjësit e tjerë, si specialiste e prokurorimeve, anëtarët e KVO, kanë bërë të mundur që këtë tender ta fitonte me dokumentacion BOE Egland shpk dhe BE-IS shpk, duke krijuar avantazhe për këtë subjekt gjatë procedurës së prokurimit.

LEXONI GJITHASHTU:

• Tenderi 3 mln euro, zbulohet çështja që çoi në burg kryebashkiakun e Bulqizës
• A është arrestuar kryebashkiaku i Bulqizës? SPAK dhe policia asnjë informacion