Tenori Ramë Lahaj humb nënën dy orë para shfaqjes dhe detyrohet të ndërpresë programin

Sheshi “Skënderbeu” në Prishtinë u mbush mbrëmë më spektatorë, për të shijuar koncertin ‘Rama Lahaj & Friends’ shoqëruar nga Orkestra Filarmonike e Kosovës.

Tenori Kosovar me famë botërore, Ramë Lahaj u ngjit në skenë, para 3 mijë spektatorëve, me një dhimbje të madhe.

Dy orë para koncertit kishte ndërruar jetë nena e tij, megjithatë tenori vendosi të mos e anulonte koncertin.

Kishte parashikuar një repertor të gjerë, por këndoi vetëm një pjesë, e me pas u kërkoi ndjesë spektatorëve, që respektuan dhimbjen e tij

Festivali mblodhi në Prishtinë emra të njohur të muzikës operistike kosovare dhe ndërkombëtare si dirigjenti, Antonello Allemandi, sopranoja Lana Kos, baritoni Simone Piazzola dhe të tjerë.