Tensione në Francë, demonstruesit dhe policia përleshen në rrugë 

Qeveria franceze u ka mbijetuar dy votave të mosbesimit, duke i hapur rrugën zbatimit të reformës së pensioneve që ka ngjallur protesta të reja. Demonstruesit u përleshen me policinë në rrugë këtë të hënë.

France 24 raporton se në lagjen e tretë të Parisit, protestuesit bllokuan rrugët dhe u vunë flakën gomave dhe koshave të plehrave.

Qeveria i mbijetoi “ngushtë” votimit të parë, të nisur me iniciativën e deputetëve të opozitës, e indinjuar që presidenti Emmanuel Macron përdori një fuqi të veçantë kushtetuese për të zbatuar reformat jopopullore të pensioneve pa votim në parlament. Gjithsej 278 deputetë votuan për mosbesim, që është vetëm nëntë vota më pak se 287 që nevojiten për të rrëzuar qeverinë e Elizabeth Bourne, raporton portali France 24.

Gjatë deklaratës për mocionin e dytë të mosbesimit ndaj qeverisë, të paraqitur nga Marine Le Pen nga partia e ekstremit të djathtë Aleanca Kombëtare, pati vetëm 94 vota “pro”, raporton CNN.