Tensione tek 5 Maji, banorët përplasen me policinë për shembjen e banesave

Që prej orëve të para të mëngjesit të sotëm banorët e zonës së 5 majit në Tiranë krijuan një kordon në mënyrë që të mos lejonin fadromat që të shembnin banesat e tyre.

Banorët janë përplasur me forcat e policisë, pasi këto të fundit kanë tentuar t’i shpërndajnë.

Në pamjet e siguruara nga Euronews Albania  shfaqen momentet kur gratë përplasen me efektivët e policisë.

Në këtë zonë pritet të shemben 400 banesa, si pjesë e një projekti rindërtimi. Shumica e banorëve nuk janë dakord me kontratat e dhëna nga bashkia. Ata e quajnë këtë proces një vjedhje të pronës private.

Një pjesë e tyre nuk kanë pranuar as bonusin e qirasë të ofruar nga Bashkia Tiranë, pasi sipas tyre është në vlerë të vogël.