Tensionet në Lindjene Mesme, Bahreini: Irani ka shkelur ligjin ndërkombëtar me sulme të pajustifikuara

Ministri i Jashtëm i Bahreinit, i cili udhëhoqi përpjekjet në Këshillin e Sigurimit të OKB-së për të siguruar një rezolutë mbi Ngushticën e Hormuzit, foli në Nju Jork në një konferencë për shtyp pas vendosjes së vetos nga Kina dhe Rusia.

Abdullatif bin Rashid Al Zayani tha se veprimet e Iranit janë “të pajustifikuara” dhe se është “absolutisht e qartë” se ato shkelin ligjin ndërkombëtar.

“Vendet e rajonit nuk janë palë në këtë konflikt. Ata kurrë nuk kanë kërkuar të jenë”, tha ai, dhe hodhi poshtë çdo pretendim iranian që thotë të kundërtën.

Më pas, ai akuzoi Iranin për shënjestrimin e civilëve dhe infrastrukturës energjetike, gjë që sipas tij hedh poshtë pretendimet iraniane për goditjen vetëm të objektivave ushtarake.

Kostot në rritje po prekin miliona njerëz, shtoi ai, me dhjetëra miliona të tjerë në rrezik të urisë akute.

Bahreini, së bashku me shtetet e Gjirit dhe Jordaninë, do të intensifikojnë përpjekjet diplomatike, ka theksuar më tej.

“Ne nuk do të ndalemi në punën për të penguar këto sulme të paligjshme. Ne do të vazhdojmë përpjekjet tona për të mbrojtur lirinë e lundrimit në Ngushticën e Hormuzit”, ka përfunduar Al Zayani.