Tentoi të hidhte pistoletën nga makina kur pa policinë, arrestohet 48-vjeçari

Policia e Shkodrës ka arrestuar një person për armëmbajtje pa leje. Në kuadër të operacionit Sundimi i ligjit është vënë në pranga shtetasi H. M., 48 vjeç, banues në lagjen “Ndoc Mazi”, të qytetit të Shkodrës.

“Në bulevardin ‘Skënderbeu’ është lokalizuar automjeti me drejtues shtetasin H. M., i cili sapo ka parë shërbimet e Policisë, ka dalë nga automjeti dhe është larguar afër një lulishteje ku ka tentuar të fshehë armën e zjarrit që mbante më vete. Si rezultat i veprimeve të shpejta policore është kapur shtetasi H. M., 48 vjeç, banues në lagjen “Ndoc Mazi”, i cili në përfundim të veprimeve procedurale u arrestua në flagrancë”, bën me dije policia.

Arma e zjarrit pistoletë me municion luftarak dhe automjeti tip “BMW” që drejtonte ky shtetas, u sekuestruan në cilësinë e provës materiale.

LEXONI GJITHASHTU:

• I shpallur në kërkim për vrasjen e Endri Mustafës, arrestohet në Turqi, Ibrahim Lici
• E rëndë| Abuzoi seksualisht me vajzën e mitur, arrestohet 31-vjeçari në Tiranë