Një 50 vjeçar, banues në Rrogozhinë, është arrestuar nga Policia pasi ishte shpallur në kërkim për “tentativë vrasje”.
Sipas njoftimit të Policisë, në vitin 2022 ky shtetas tentoi të vriste bashkëshorten duke e goditur me automjet.
Po ashtu bëhet me dije se bashkëshortja e tij në atë kohë ka qenë e pajisur me urdhër mbrojtjeje.
Ndërkohë materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Durrës.
Njoftimi:
Komisariati i Policisë Kavajë finalizoi operacionin e koduar “Break”.
Gjatë operacionit është kapur shtetasi R. M., 50 vjeç, banues në Rrogozhinë.
Ky shtetas ishte shpallur në kërkim kombëtar, pasi Gjykata e Durrësit, me vendimin e datës 07.07.2022, i ka caktuar masën e sigurisë “Arrest në burg”, për veprat penale “Vrasja”, mbetur në tentativë, “Veprime në kundërshtim me vendimin e gjykatës” dhe “Dhuna në familje”. Në muajin korrik të vitit 2022, ky shtetas ka tentuar të vrasë, duke e goditur me automjet, bashkëshorten e tij, e cila ka qenë me urdhër mbrojtjeje.
Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Durrës.
LEXONI GJITHASHTU:
