Tentoi t’i merrte me dhunë varësen e floririt vajzës në kishë, arrestohet 26-vjeçari

Një 26-vjeçar është arrestuar nga policia e Elbasanit, pasi tentoi t’i vidhte me dhunë varësen një vajze në ambientet e një kishe.

28-vjeçarja ndodhej në objektin e kultit në lagjen “Kala” të qytetit, kur autori tentoi t’i merrte me dhunë varësen e floririt nga qafa.

Si rezultat i veprimeve nga specialistët për Hetimin e Krimeve të Komisariatit të Policisë Elbasan u bë identifikimi, kapja dhe arrestimi në flagrancë i 26 vjeçarit.

Ai rezulton një person me precedentë të mëparshëm penal, i dënuar më parë për vjedhje dhe për krime kundër personit.

“Ky shtetas ka ndjekur për disa minuta një 28-vjeçare që po vizitonte kishën në lagjen “Kala” të qytetit të Elbasanit dhe më pas ka tentuar t’i marrë me dhunë varësen e floririt që ajo mbante në qafë, për pasojë i ka shkaktuar dëmtime fizike. Varësja e floririt u sekuestrua në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme”, njofton policia.

LEXONI GJITHASHTU:

• EMRAT| Këta janë 6 të arrestuarit e megaoperacionit anti-drogë në Adriatik
• Ekskluzive| Publikohet foto, ky është autori që plagosi në gjendje të rëndë policin