Ekskluzive| Publikohet foto, ky është autori që plagosi në gjendje të rëndë policin

Personi që shihni në foton e mëposhtme është shtetasi Theodhori Mërkuri, 60-vjeçari i cili plagosi me thikë efektivin e policisë, Redin Çushaj.

Çaushaj 25 vjeç, me detyrë inspektor i Policisë së zonës në Lukovë, u plagos në gjendje të rëndë, teksa u mundua të ndalonte përshkallëzimin e një konflikt mes Mërkurit dhe një tjetër personi.

Efektivi i ri i policisë, po kalonte në vendin e njohur si kthesa e Pilurit në Himarë, teksa pa në rrugë se dy persona po konfliktoheshin me njëri tjetrin.

Jashtë shërbimit zyrtar, Çaushaj ndaloi për të neutralizuar konfliktin, por fatkeqësisht ai u qëllua me thikë nga 60-vjeçari.

Autori mundi të largohej dhe të ngjitej në fshatin Pilur, ku u fsheh në një repart të vjetër ushtarak.

Forca policore nisën kërkimet intensive dhe mundën ta lokalizonin pas 8-orësh ndjekje.

Mërkuri u arrestua mëngjesin e kësaj të mërkure dhe u transportua në komisariat, ku i duhet të përballet me veprën penale “Vrasja e punonjësve të Policisë së Shtetit”, mbetur në tentativë.

Sakaq efektivi 25-vjeçar u transportua në Reanimacioin e Spitalit në Vlorë, ku ndodhet në gjendje të rëndë për jetën.

Në lidhje me plagosjen e efektivit reagoi dhe ministri i Brendshëm Taulant Balla, i cili kërkoi dënimin e ashpër të autorit, që ngriti dorën ndaj Policisë së Shtetit.

LEXONI GJITHASHTU:

• Polici ndërhyn për të ndaluar një sherr, përfundon i plagosur rëndë
• Qëlloi me thikë punonjësin e policisë, arrestohet pas 8-orë ndjekje 60-vjeçari
• Kapet kanabis në Lazarat, droni zbulon parcelën në oborrin e shtëpisë