Polici ndërhyn për të ndaluar një sherr, përfundon i plagosur rëndë

Një sherr mes disa personave ka ndodhur të martën rreth orës 23:00 te kthesa e fshatit  Pilur.

Një 28-vjeçar me profesion polic, ishte jashtë orarit të shërbimit kur kaloi aty pranë  për të parandaluar përshkallëzimin e konfliktit.

Në këtë kohë, një 60-vjeçar i cili ishte pjesë e sherrit masiv e ka goditur me mjet prerës thikë dhe për pasojë punonjësi i Policisë është në gjendje kritike për jetën.

Duke përfituar nga errësira, autori është larguar menjëherë.

Në ndjekje të tij janë vënë shërbimet e Komisariatit të Policisë Himarë, grupe të FNSH dhe të forcave operacionale të DVP Vlorë.

Ndërkohë është ngritur grupi hetimor dhe vijon punën për  dokumentimin ligjor të kësaj ngjarjeje.

LEXONI GJITHASHTU:

• Plagoset rëndë motoristi në Berat, ishte duke shpërndarë pica
• Shpërthen gazi në minierën në Bulqizë, 3 të plagosur