Tentuan të mashtronin biznesmenin për 50 mijë euro, arrestohen 2 persona

Dy persona janë arrestuar në Tiranë pasi kanë tentuar që nëpërmjet mashtrimit të përfitonin shumën prej 50 mijë eurosh nga një biznesmen.

Policia bën me dije se në pranga kanë rënë shtetasit A. Gj., 19 vjeç, R. B., 25 vjeç, të dy banues në Elbasan dhe është shpallur në kërkim shtetasi F. L., 25 vjeç.  Këta shtetas kanë tentuar të mashtrojnë një shtetas (biznesmen), duke iu prezantuar atij si përfaqësues të një personi publik, për të përfituar shumën 50 000 euro.

Në cilësinë e provës materiale u sekuestruan 8250 euro, 25 000 lekë, 1 automjet dhe 1 aparat celular.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU: 

• Shiste doza kanabisi në zona të ndryshme në qytet, në pranga 29-vjeçari në Shkodër
• Hebibi: Arbëreshët e Zarës, e as shqiptarët e Turqisë s’ishin në Samitin e Diasporës